- 696 -

1444. Dez. 29.

Vnsern frundlichen grus zuuor. Erbern vnd weizen lieben frunde. Als ir vns schreibit von der gelegenheit wegen zu Monstirberg etc. das haben wir vormols vnd auch nu dohen vorkundigt vnd zuwissen getan, vnd als ir vns schreibit von des anslages wegen vnd das die vnsern weren heym gerieten vnd weren gefangen wurden, vnd das euch das lehit were, das ist vns auch nicht lieb; vnd wir wissen auch wol, das wir vnsern anslag redlich bestalt haben vnd als ir beruret, das ir ewern anslag gar aldo hettit, das konnen wir nicht vornemen, das ewer anslag von ewerm lande vnd stat gar aldo were, wenne wir wol wissen, das wir das groste aldo haben vnd ap das an eyme etlichen pferden bis hieher hette gebrochen, so haben wir doch durch des landffreden willen alle wochen in botschafften also vil pferde wol gehabt, das die burde vff vns gehit. Idoch so wellen wir an vnserm teyle vnsern anslag vonstadan legen vnd sal an vns nicht gebrechen, vnd wellen vns erfaren, ap ewir anslag als her euch vom lande vnd stat angeslagen ist, gar gelegit ist, vnd was vnsern halben ge¬brochen hat, das wellen wir wandiln vnd redlich dirfallen. Geben am sontage die Thome Canthuariensis anno etc. XLIIII°.
Ratmanne der stat Breslow.

Mit Rückaufschrift an den liegnitzer Rath.

Orig. Kgl Bibl. z. Berl. Ms. Boruss. f 568, No. 21.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866